الحمل و الولادة في اليابان, تجربة شخصية ومعلومات مهمة
الحمل والولادة في اليابان
في هذا المقال سأقوم بشرح تجربة شخصية للحمل و الولادة في اليابان.
بمجرد اكتشاف الحمل بيكون مطلوب منك الذهاب لمكتب البلديه التابع له وتبليغهم بالحمل وملأ الاستمارة للحصول على كتاب اسمه (boshi kenko techo) وده بيكون زي دفتر بيتسجل فيه معلومات الأم والطفل طوال فترة الحمل في كل زيارة للمستشفى. وكمان بيكون فيه زي كوبونات لبعض الزيارات المجانية والبعض الأخر بيكون متغطي بنسبه 70% من التأمين.
وبما ان نظام التأمين لا يغطي تكاليف الولادة الطبيعية لأنه لا يعتبرها تندرج تحت مسمى الأمراض فبالتالي بيكون مطلوب منك تدفع مصاريف الولادة كاملة.
الولادة في اليابان
ولكن هنالك نظامين للولادة في اليابان وهما نظام (Nyu-in Josan Seido) ونظام (Shussan Ikuji Ichiji-kin)
- نظام (Nyu-in Josan Seido) باختصار هو ان مكتب البلديه بيتكفل بمصاريف الولادة في اليابان كاملة لغير القادرين (المعفيين من الظرائب نظرا لدخلهم القليل) وكمان بيدفع مبلغ نقدي هدية يتراوح بين 330 ألف ين ياباني بعد الولادة. مهم جدا تروح مكتب البلديه وتسألهم عن المستشفيات اللي بتدعم النظام ده وتروح تسجل نفسك في مستشفى منهم وتبدأ تعمل الاجرائات اللي هيطلبها منك مكتب البلديه أو المستشفى (كلها اجراءات سهله جدا).
- لو مكتب البلديه قالك من البدايه انك لا تستحق النظام الاول او لا ينطبق عليك او للأسف لا يوجد اماكن في هذه المستشفيات (لهم عدد معين يقبلوه شهريا) أو لأي سبب أخر في هذه الحالة لا يوجد غير النظام التاني وهو ان التأمين بيدفع مبلغ 420 ألف ين ياباني هدية للمولود وفي نفس الوقت يتم تغطية نفقات الولادة منهم (من أكتوبر 2009 المبلغ ده بقى لازم يتم دفعه مباشرة للمستشفى اللي هيتم الولادة فيها) ولو تكاليف الولاده أقل من المبلغ ده بيتم صرف المبلغ الباقي ليك لكن لو أعلى بتدفع انت الفرق للمستشفى (متوسط تكاليف الولادة تقريبا من 350 ألف ين الى 500 ألف ين)
النظام الأول مش هتلاقي حد يعرف عنه حاجه خالص غير في مكتب البلدية لأن ماشاء الله تقريبا محدش عندهم بيكون معفي من الضريبة غير الطلاب الأجانب تقريبا.